Monday, June 1, 2015

CABUGAO FLORES DE MAYO & SANTACRUZAN, NARAMBAKAN

Cabugao, Ilocos Sur – Narambakan ti Cabugao Flores de Mayo & Santacruzan babaen iti St. Mark the Evangelist Parish, Cabugao, Catholic Church, Cabugao, Ilocos Sur  idi Mayo 30, 2015.

Iti naaramid a programa, nagmartsa ti Outgoing Queen a ni Ms. Bhea Alexia Nono, simmaruno ti panagmartsa ti Royal Court ken Opening Remarks ni Mr. Benjamin Castillo, Parish Pastoral Coordinator.

Naisaganad ti Investiture ti 30 a Princesses a nangirepresentar kadagiti Santa a Babbai agraman ken ni Queen Dianne Margarette Somera, Reyna Elena 2015. Naisaad ti Sashes dagiti Princesses ken Bouquet ken Coronet iti 1st Princess agingga iti 6th Princess babaen kadagiti napusgan a mangisaad kadagitoy a tanda ti pammadayaw.

Kinoronaan ni Rev. Fr.   Felix A. Costales ken ni Mrs. Macrina U. Soller ni Reyna Elena 2015.

Insaad met da  Rev. Fr. Ram Rigunay ken  ni Mrs. Ines Alcausin ti Cape iti Reyna.

Nangipaay met ti makainspirar a mensahe ni Rev. Fr. Felix A. Costales para iti sapasap.

Kalpasan ti Investiture, naaramid ti Procession dagiti kandidata ken Parishioners  iti Poblasion.

Ti panggep ti naangay a  Popularity Contest iti Flores de Mayo ket maiserbi kadagiti proyekto nga igan-gannuat ti Parokia ni San Markos Ebanghelista iti Iglesia Romano Katolika iti ili a Cabugao, Ilocos Sur. # (Web In-Action)

No comments:

Post a Comment