Wednesday, June 3, 2015

30 TI TEST PASSERS TI ALS ITA DITOY CABUGAO

Cabugao, Ilocos Sur – Naiparuar ti nakapasa iti Eksamen a nagpartisiparan ti 68 nga ALS Learners ti Cabugao, Ilocos Sur iti  Alternative Learning System (ALS) - DepED Cabugao District a programa ti Department of Education (DepED) kadagiti Out-Of-School Youth (OSY)/Dropouts iti agdama.

Segun ken ni Mr. Warren Sumibcay, ALS Mobile Teacher ti Cabugao South Central School ket umabot iti 68 a Learners ti ALS Batch 2014  ti nageksamen idi Oktubre 2014 ket 30  dagiti napagasatan a nakaruar ken umawat ti Diploma-na  iti Elementaria ken iti High School malaksid iti Certificate nga ited ti  TESDA.

Maymaysa ti nakaigasat iti benneg ti Elementaria idinto ta 29 iti benneg ti High School.

Innayon ni Mr. Sumibcay nga maibasar iti rekord ti DepED,  immadu ti ALS Learners a nageksamen  iti Batch 2014 iti intero a Pilipinas ket 30 a Taga-Cabugao, Ilocos Sur ti nagasat a pimmasa ita a Tawen 2015. # (Web In-Action)

No comments:

Post a Comment