Monday, June 8, 2015

PAMMADAYAW A NAGUN-OD TI LGU-CABUGAO, KREDITO PARA ITI KAADUAN

Cabugao, Ilocos Sur – Kalpasan ti Flag Ceremony iti LGU-Cabugao iti Hunio 8, 2015 iti sango ti Municipal Hall (Presidencia), imbasa ni Mr. Dario Roy Siruno,  Municipal Information and Tourism Officer  dagiti kangrunaan nga aktibidad a maselebraran ita a lawas kangrunaan  iti Independence Day inton Hunio 12 ken iti aramiden  a Tree Planting Activity  iti Pamilia-LGU. Naisaganad ti pannakaipakaammo dagiti tallo a pammadayaw a nagun-od ti LGU-Cabugao kas iti sumaganad:


1.Certificate of Appreciation a naggapu  iti DepED-Ilocos Sur para iti LGU-Cabugao iti napateg a pannakigamulo ti Munisipio iti pannakaangay/pannakaipatungpal  iti Brigada Eskwela  idi Mayo 18-23, 2015 ditoy ili a Cabugao, Ilocos Sur.
2.Plaque of Appreciation manipud iti Bureau of Soils and Water Management (BSWM) maigapu iti tulong ken suporta ti Munisipio iti pannakaipatungpal ti programa daytoy a sanga ti  Ahensia ti Department of Agriculture (DA) ditoy a Munisipalidad.
3.Philhealth Agila Awards, Best Local Government Unit (LGU) Implementer, Municipality Category (1st Regional Health Financing Summit 2015).

Inawat ni Mayor Edgardo “Ediboy” S. Cobangbang, Jr. dagiti nasao a Pammadayaw iti imatang ti Pamilia-LGU kasta metten dagiti kameng iti Sangguniang Bayan iti dayta a gundaway.


Iti panagsarita ni Mayor Ediboy, kimmablaaw ken pinagyamananna   daytoy a naited manen a pammadayaw iti LGU-Cabugao. Innayonna a daytoy a nagun-od ket maigapu iti panagpartisipar iti kaaduan iti  nakaigapuanna ket maipaay ken agserbi a dayaw ti ili ken iti kaaduan iti nasao a gapuanan.

Pinadayawan ni Mayor Ediboy dagiti nagapuanan ti Gobierno Munisipal ken iti napintas a panagrubuat ti serbisio ti Pamilia-LGU ita a lawas ket ingunamgunam ti Ama ti Ili a pakitaan ken pariknaan latta iti tuggal umili nga umay ditoy Munisipio iti nasayaat  a pannakilangen  gapu ta obligasion ti tunggal maysa iti mangipaay iti agtultuloy a napintas a serbisio para kadagiti umili. # (Web In-Action)

No comments:

Post a Comment