Tuesday, June 30, 2015

PARENT-LEADERS TI 4 P’s, NAARAMID TI MITINGDA

Cabugao, Ilocos Sur – Nagatendar dagiti 51 a Parent-Leaders ti Pantawid Pamilyang Pilipino Program (4 P’s) iti ili a Cabugao nga idauluan ni Ms. Nerles Saturno, Presidente, itay nabiit iti 2nd Floor, Municipal Building, Cabugao, Ilocos Sur.

Kangrunaan a nataming iti nadakamat a miting ti Capability Build-up dagiti Parent-Leaders kas pangulo iti Clustering Group ti 4 P’s ken naipunganay no ania ti kaipapanan ti programa a para kadagiti marigrigat a benneg ti kagimongan.

Naaramid pay ti updating of record ken kasta metten iti pannakatratar ti pannakaiseguro dagiti Parent-Leaders. 

Tinarawidwidan da Miss Aida S. Cueto, Ms. Jessie Anne O. Tabut ken ni  Ms. Juliet Madriaga, agpapada a Social Welfare Worker, Municipal Link Cabugao iti panagmiting dagiti Parent-Leaders iti nasao a pasdek ti Munisipio. # (Web In-Action)

No comments:

Post a Comment