Friday, June 5, 2015

TRAINING ON SOIL HEALTH CARD PREPARATION, NAANGAY

Cabugao, Ilocosd Sur – Nagbuligan ti Ilocos Sur Polytechnic State College, Sta. Maria, Ilocos Sur ken ti LGU-Cabugao, Ilocos Sur nga inangay ti Training on Soil Health Card Preparation a nagatendaran dagiti Staff and Personnel ti DA-LGU nga idauluan ni Acting Municipal  Agriculturist Robert S. Savella ken dagiti pannakabagi ti Sektor-Agrikultura idi Hunio 4, 2015.


Iti  ababa a programa, nag-Welcome Remarks ni Acting Municipal Agriculturist Robert S. Savella idinto ta Acknowledgement of Participants ni Mr. Edgar S. Balangatan, LGU SIPAG – (Sustainable Intensification for Prosperity and Growth)  - PMIG Leader

Nakikaysa  ni Mayor Edgardo “Ediboy” S. Cobangbang, Jr. iti nasao a taripnong.  Kimmablaaw ken nagyaman ti Ama ti Ili iti pannakaited daytoy a proyekto iti Sektor-Agrikultura. Innayonna a masasao a mayoridad dagiti mannalon iti ili isu a sensitibo met dagiti kasapulanda babaen kadagiti intervention kas iti implementasion ti soil fertility mapping kadagiti barangay ket mausarda a naan-anay ti resulta daytoy babaen iti pannakaited kadakuada iti card a pakailanadan dagiti aramidenda.


Innayon ti Chief Executive a no mapapintas ti kasasaad dagiti mannalon  ket isublida met laeng a progreso ti ili ta pumigsa ti “purchasing power-da” a gumatang ti tagilako a pangalaan ti Taripa ti LGU nga agsubli para iti umili babaen iti porma iti  serbisio.

Bininsa pay ti Chief Executive iti pateg ti ilungalongda a pannakabangon ti ISPSC Campus ditoy Cabugao tapno aniaman a pagsayaatan ti sektor-agrikultura ket masagrap met dagiti umili ditoy a deppaar ti  Ilocos Sur a saandan a mapan iti sabali a probinsia. 

Naisaruno ti Overview and Levelling of Expectations ni Mr. Armando Diga, ISPSC-SIPAG Focal Team Leader.


Naisaganad  ti pannakaaramid ti Training Proper ket natratar ti Soil Card Preparation (Lecture and Skills Demo) babaen kada Mr. Robert Ablog, Faculty Researcher  ken ni Mr. Michael Anthony Guarin, Science Research Assistant, ISPSC, Soil Health Card Trainors.

Nagsarita met ni SBM   Atty. Bryann Jett S. Pano, Agriculture Committee Member. Kinuna ti Konsehal a sisasagana  latta ti Konseho Munisipal a makipaset iti aniaman a gannuat para iti pagsayaatan a maited iti Sektor-Agrikultura ditoy nga ili babaen iti panangtarabayda iti Komite ti Agrikultura.

Kamalmanna, naaramid ti pannakaipaay  ti dua nga impressions ti dua a napili a Participants ket naisaganad ti Awarding of Certificates of Recognition and Participation.    Nag-Closing Remarks ni Dr. Melvyn G. Castro, DVM. Nagpaay met nga Emcee ni Mrs. Joenah G. Sevilleja, AT.  # (Web In-Action)

No comments:

Post a Comment