Thursday, June 25, 2015

DE LA SALLE HEALTH SCIENCE STAFF, INADALANDA DAGITI BHW’s

Cabugao, Ilocos Sur – Naangay ti One-Day Orientation and Training dagiti Barangay Health Workers (BHW’s) ken Parent Leaders (PLs) iti 33 a barangay ti ili a Cabugao iti pakaseknan ti pannakataming ti salun-at (umisu nga aramiden no dumteng ti emerhensia ti sakit a hypertension ken bullo) partikular kadagiti addaan iti an-annayen nga ubbing ken umili. Naangay ti panagadal iti Cabugao Cultural and Sports Complex, Brgy. Rizal, Cabugao, Ilocos Sur idi Hunio 24, 2015. 

Kangrunaan a nagsentro iti Physical Therapy iti naiyadal.

Naglektiur dagiti Staff ti  De la Salle Health Science Institute-College of Rehabilitation Sciences, De La Salle University-Dasmarinas, Cavite. 

Nakitinnarabay met dagiti Personnel ti STAC-Cabugao, MSWDO-Cabugao  iti daytoy a naisayangkat a panagadal.

Sakbayna, naangay ti turnover ti wheelchair nga indonar ti Latter-Day Saint Charities kadagiti maseknan a PWD’s babaen iti panangigannuat ti DLSU Staff. # (Web In-Action) 

No comments:

Post a Comment