Tuesday, June 2, 2015

ANIA TI PATEG TI BRIGADA ESKWELA?

Cabugao, Ilocos Sur – Nupay naituyang nga Mayo 18 agingga iti 23 Iti aldaw a naisitar a panag-Brigada Eskwela 2015 dagiti maseknan a mangisursuro ken nagannak ket natakuatan a kaaduan nga eskuela iti nangitultuloy agingga iti Mayo 28, 2015 maigapu kadagiti di napakpakadaan a pasamak ken nainkalintegan a rason.

Kasano ti kaimportante ti Brigada Eskwela a maaramid sakbay ti panaglukat ti klase iti Hunio 1, 2015?

1.Ti Brigada Eskwela ket namunganay babaen iti DepED Memorandum 41, Series of 2015 a kas masasao a “National Schools Maintenance Week”  para iti pannakaisagana ti pageskuelaan iti serrek ti klase.
2.Dagiti rehional ken division offices ti Ahensia ket mangangayda  ti caravan a pangaramidanda iti “kick off” ceremony ti panagrugi ti Brigada Eskwela.
3.Mapasamak ti All Adopt-a-School Program a pakaawisan ti amin a maseknan a makipartisipar iti naidaklan a panggep daytoy a nailian a krusada.
4.Dagiti Principal ken School Heads ket isuda ti mangplano ken mangipatungpal ti pannakatarabay dagiti agtrabaho para iti naan-anay a pannakaisagana ti eskuela para iti panagbabasa dagiti ubbing.
5.Maisubmiter iti nangato a benneg ti Opisina ti Ahensia iti pakabuklan ti report ti Brigada Eskwela 2015 ken maited ti nasional a pammadayaw iti Best Implementing School.
6.Daytoy a pammilin ket naggapu ken ni DepED Secretary Br. Armin A. Luistro FSC. # (Web In-Action)

No comments:

Post a Comment