Tuesday, June 16, 2015

OPLAN DALUS, INLUNSAD TI MUNISIPIO

Cabugao, Ilocos Sur – Babaen iti Office Order 21, Series of 2015 a pinirmaan ti   Municipal Chief Executive, naigunamgunam iti pannakaaramid ti nasaknap a panagdalus dagiti Empleado ti Munisipio kadagiti Pampubliko a Pasilidad  a pakaibilangan ti Parke, Plaza, Government Center, Sango ti Munisipio ken dagiti paset iti National Highway idi Hunio 11, 2015.


Sakbayna, maysa daytoy kadagiti aktibidad a napagkaysaan ti Pamilia LGU  sakbay iti pannakaselebrar  ti Philippine Independence Day idi Hunio 12, 2015 a kaawan ti serrek ti Opisina. Dagiti Department Heads ken Section Chiefs ti nadutokan a nangmobilisar kadagiti empleado nga adda iti babaenda, segun iti sinaguday ti pammilin.

Daytoy nga aksion ket paset iti agtultuloy a programa ti Munisipio iti pakaseknan ti Cleanliness and Beautification. # (Web In-Action)

No comments:

Post a Comment