Cabugao, Ilocos Sur – Iti pannakiuman ti Web In-Action iti Hunio 1, 2015, imbatad dagiti RHU-Cabugao Personnel nga idauluan ni Dr. Bernardino P. De Gracia, OIC Municipal Health Officer nga adu ti bilang dagiti nagpa-Check-up kadagiti gagangay a sagubanit ngem awan ketdi iti nairekord a kaso dagiti pagam-amkan a rumsua itoy a panagbalbaliw ti klima ta kankanayon a mamonitor dagiti barangay ken iti Poblasion babaen kadagiti naregta a pannakabagi ti RHU ken DOH.
Maaramid latta iti naka-eskediul a panagpabakuna dagiti inna iti maladagada iti Anti-DPT, Pre-Natal Check-up ti inna, Dental ken Check up ti Blood Pressure nangruna dagiti nataengan. Maibilang latta met nga agpaagas dagiti ubbing, agtutubo ken agkabannuag nga umili a naggapu iti nadumaduma a barangay.
Innayonda a masigud a maagasan ti tumaud a sagubanit ken agtultuloy a pannakaited iti umisu a serbisio dagiti Personnel ti Rural Health Unit (RHU)-Cabugao ken dagiti RN-Heals Nurses tapno maliklikan iti panagwaras ti sakit ken maprotektaranda iti aniaman a sumangbay a pakarikutan ti salun-at. # (Web Situational Report)
No comments:
Post a Comment