Tuesday, June 16, 2015

95 TI MANGRUGI NGA AGADAL TI ALS ITI SERREK TI KLASE 2015

Cabugao, Ilocos Sur – Segun ken ni Mr. Warren Sumibcay, ALS Mobile Teacher ti Alternative Learning System (ALS), Community Center, Brgy. Bonifacio, Cabugao, Ilocos Sur, nga adda 95 a bilang ti agad-adal iti agdama a para  iti CY 2015 – 2016   iti pasdek a nakaibalayan ti pagbasaanda iti Cabugao South Central School.


Innayon ni Mr. Sumibcay a nabingay ti eskediul a panagatendar dagitoy iti bigat ken malem kasta metten nga agingga iti aldaw ti Sabado iti panagklaseda. Insupusopna a dagiti modules wenno pakabuklan ti maadal ket naggapu iti Main Office ti ALS ket posible a dagitoy ti rummuar a pakabuklan dagiti saludsod iti maaramid a nasaknap nga eksaminasion dagiti Learners inton Oktubre 2015. Mairaman pay iti adalenda dagiti Current Events a mairamanto iti maipaeksamen kadakuada, segun pay iti Mobile Teacher.


Daytoy nga Accreditation and Equivalency Program ti DepED ket panggepna ti mangikkat iti pakaseknan iti illiteracy ken mangipakat iti zero dropouts kadagiti pagadalan iti benneg ti elementaria ken high school iti lokalidad. 

Kabayatanna, nai-postpone ti Hunio 19, 2015 a pannakaangay koma  ti Graduation Ceremonies ti ALS Graduates/Passers ti intero nga Ilocos Sur a pakaibilangan ti 30 a nakapasa iti ili ti Cabugao  iti 2014-2015 a panagklaseda ket  manamnama a maangay ti Graduation Day  idiay Baluarte, Vigan City nga atendaran ni Gov. Ryan Luis V. Singson. # (Web In-Action)

No comments:

Post a Comment