Cabugao, Ilocos Sur – Nailunsad ti 2015 Scouting Month Launching Program iti Cabugao DepED District babaen iti Tema: “Peace and Development Through Scouting” iti Cabugao Cultural and Sports Complex, Brgy. Rizal, Cabugao, Ilocos Sur idi Oktubre 4, 2015 a nagpartisiparan dagiti opisiales ti Boy Scouts ken kameng ti Kiddie Scout, Cub Scout ken Boy Scout ken inimatangan dagiti nagannak, mangisursuro ken Opisiales ti ili.
Immuna a naangay ti BSP Holy Mass iti St. Mark the Evangelist Parish Church; naaramid ti Parada sa naisaruno ti programa iti Complex.
Inannong ni Troop Leader Aquilino Castillo, Pug-os E/S ti Opening Prayer ken Pambansang Awit ni KL Liezel Sol, ti CNCS. Panunumpa sa Watawat ni Scout Adrian Sera, ti CNCS, Re-dedication of Scout Oath and Law ni Scout Dhreyzen Mark Gabatin, Reppa-ac E/S. Pangako ng Kab Scout ni Kawan Nerius Talusig, CNCS; Batas ng Kab Scout ni Kawan Jayvee C. Yangat, Reppa-ac E/S, ken Kab Scout Slogan ni Kawan Reigh Franz Wyn C. Asuncion, Pug-os E/S.
Binagi nga imbalikas ni Mr. Benjamin Garcia ti BSP Mission and Vision.
Words of Welcome ni Mrs. Melvie S. Sajonia, Principall II, Cabugao South CS. Imbinsana dagiti pammilin ti DepEd iti pakaseknan ti implementasion ti Scouting, ti akem dagiti mangisursuro, ken ti Tema ti selebrasion ita a tawen 2015. Kinomendaranna met ti napintas a partisipasion ti Scouts ti Cabugao District kadagiti amin a maiyusuat nga aktibidades-da.
Naisaganad ti Yell and Presentation ti UCCP babaen ti panangiturong ni Kawan Leader Novelyn Cueto.
Pinagsapata ni Mayor Edgardo “Ediboy” S. Cobangbang, Jr. dagiti baro nga opisiales ti Municipal Scouting Committee ken Cabugao District Troop Leaders Association.
Nagatendar ni Mayor Edgardo “Ediboy” S. Cobangbang, Jr. a kaduana dagiti kameng ti Sangguniang Bayan ti ili a Cabugao ket nangipaay ti mensahena iti amin a nagatendar.
Impeksa ti Ama ti ili iti kablaaw ken panagyamanna iti naballigi a tinawen a panangselebrar ti Cabugao DepED ti Scouting kadagiti aktibidades a pangpabaknangan ti kapadasan dagiti lallaki nga ubbing nga agad-adal a paset ti pakahulmaan ti kinataoda nga agbalin a responsable ken nadisiplina a makipagili.
Binigbig pay ti Alkalde Munisipal iti anus ken sakripisio dagiti mangisursuro, nagannak/guardians a timmarabay kadagiti ubbing ken kinablaawanna dagiti baro nga Opisiales ti Cabugao Municipal Scouting Committe nga idauluan ni Brgy. Captain Thaddeus U. Soller, Chairman ti BSP Municipal Scouting Committee.
Dinakamat pay ti Municipal Chief Executive a nagyamanan iti napintas a kammayetda ken kadagiti kakaduana iti Municipal Scouting Committee.
Naiballaet ti Yell and Song Presentation a parte dagiti 4 a DepED Zones.
Nagsarita met ni Ilocos Sur Council OIC Executive Gil P. Savellano, Ed., D. ket pinadayawanna dagiti Scouts ti Cabugao a naaktibo a makiparpartisipar iti aktibidades ti BSP uray iti Provincial Level. Kasta met nga impadamagna iti revitalization ti BSP iti intero a pagilian ken mapadayawan a mangipakaammo nga iti ili a Cabugao iti kaaduan ti bilang ti Boy Scouts iti Probinsia nga agdagupen ti 1,500 ken tinawen nga agselselebrar iti Scouting Month.
Nagmensahe ni SB MemberDr. Jemaima S. tan Yee, Committee Chairman on Education ket trinatarna ti Tema ti selebrasion. Dinakamatna a nagbalinen ti scouting a kanayon ti pamilia dagiti agad-adal ken lider-da. Innayonna a ti scout ket tumulong a makipagbangon iti agtultuloy a napintas a kagimongan a pakaitanduduan ti edukasion ti sapasap.
Closing Remarks ti inakem ni ABC President Thaddeues U. Soller, Chairman, Municipal Scouting Committee. Maysa a kangrunaan a responsibilidad ti Scout a dinakamatna ti agtultuloy a pannakigamuloda kadagiti pakaseknan ti pannakasalaknib ti environment ket inggunamgunamna nga ag-100% koma ti attendance ti amin nga scouts iti sumaruno nga aktibidadda ditoy distrito.
Binagi met ni IR Genaro Solmerin, ti Salapasap E/S ti Scout Benediction.
Ti BSP Ilocos Sur Council ket idauluan ni Vice Gov. Deogracias Victor “DV” B. Savellano kasta met nga Honorary Chairman ni Mayor Edgardo “Ediboy” S. Cobangbang, Jr. iti Municipal Scouting Committee.
Nagpaay nga Emcee da KL Carlos C. Vargas ken ni TL Cheryll C. Sonico. # (Web In-Action)
No comments:
Post a Comment