Cabugao, Ilocos Sur – Agtultuloy a maangay ti Family Development Session (FDS) kadagiti kameng ti Pantawid Pamilyang Pilipino Program (4 P’s) iti 33 a barangay iti ili ti Cabugao.
Iti pannaki-amad ti Web In-Action iti Oktubre 1, 2015, imbatad ni Miss Aida S. Cueto, Municipal Focal Person a nakaeskediul dagiti barangay a pagturonganda iti inaldaw agingga a mawanasda.
Kabayatanna, maiyeskediul met ti house-to-house update ti household case record dagiti kameng ti 4 P’s babaen met laeng kadagiti nadakamat a DSWD Personnel tapno madeterminar iti pagdurdur-asan ti programa kadagitoy a napanglaw a recipients.
Babaen itoy, madeterminar pay dagiti posible a mainayon a benepisiario ti 4 P’s babaen iti naaramid a Listahanan, dati a National Household Targeting System for Poverty Reduction or NHTS-PR, segun pay ken ni Miss Cueto.
Ti 4 P’s ket nagkammayetan a programa ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang. Jr. tapno mairagpat ti kasasaad dagiti napanglaw a pamilia ket agbalinda a makatulong iti pamiliada ken agbalinda a produktibo ken responsable nga umili ti Cabugao. # (Web In-Action)
No comments:
Post a Comment