Cabugao, Ilocos Sur – Naangay ti Wet Season 2015 Harvest Festival iti pagtatalonan iti Barangay Rizal, Cabugao, Ilocos Sur idi Oktubre 13, 2015 babaen iti panangesponsor ti SL-Agritech Corporation ken ti LGU-Cabugao, Ilocos Sur.
Namulaan dagiti demonstration Farm ita a Wet Season 2015 (Hunio-Nobiembre) a nakaipadasan dagiti Hybrid Rice Seeds a partuat daytoy a kompania ket babaen ti pannakaipakita ti pannakaimula dagitoy a bukel manipud panagb unubon agingga iti panagapit ket maipamatmat ti andur ken kaadu ti binukel ti dawa a mangingato ti maapit dagiti mannalon nga agmula.
Kabayatan a magapgapas ken mairik ti naimula a klase ti pagay ket naangay ti ababa a programa iti Barangay Rizal. Kalpasan ti Invocation ni Ms. Lutgarda Galamgam, narugian ti programa.
Inlawlawag ti dagiti Technician ti SL-Agritech Corp. iti pakabuklan ti proyektoda, dagiti panggep/programa ken iti pannakikammayetda iti LGU-Cabugao a mangisaknap ti panagmula ti Hybrid kadagiti pagtatalonan iti Poblasion.
Nagsarita ni Mayor Edgardo “Ediboy” S. Cobangbang, Jr. Kimmablaaw ken nagyaman iti amin a naitaripnong ta agtultuloy latta a maad-adalan dagiti mannalon iti kabaruanan a Teknolohia iti panagpatanor ti pagay ken maiyam-ammo kadakuada dagiti kabaruanan a klase ti bukel a mangipanamnama iti nangato a bilang ti maapit a pagay.
Innayon ni Mayor Ediboy a sangsangkamaysada nga Opisial ti Gobierno Munisipal a makitinnarabay kadaytoy a gannuat ta imatanganda met ti nagapuananen daytoy a programa ti kompania kadagiti mannalon. Insupusopna nga agpuonan koma ti kompania iti panagtalek ken pammati iti Gobierno Munisipal tapno maidur-as pay daytoy a panggepda ket kitaenda met no kasano a komplementaran ti Munisipio iti pannakatulong dagiti mannalon tapno naan-anay a maprobitsarda dagiti kasapulanda nga agmula iti high yielding v arieties ket ngumato ti maapitda. Iti kasta, pumigsa ti purchasing power dagiti mannalon ket agsub linto met la a pagsayaatan ti sapasap agsipud ta no magatangda ti kayatda iti Tiendaan ket umadu ti maurnong a taripa nga agserbinto met la kadakuada baba en iti porma ti nagduduma a serbisio nga aggapu iti Munisipio.
Nagyaman met ni Brgy. Captain Teddy U. Soller iti naited a gundaway kadagiti kalugaranna a mannalon a pakaidemonstraran dagitoy a baro a partuat a bukel ti SL-Agritech Corp. tapno matulongan iti benneg ti agrikultura ditoy a deppaar.
Nangted met ti mensahe ni Vice Mayor DJ Savellano. Kunana a napateg dagitoy a gannuat tapno pumintas ti kasasaad dagiti mannalon a mayoridad a pagbiagan ti agrikultura ditoy nga ili.
Inulit nga impaganetget ni SBM B enedicto M. Savellano, Committee Chairman on Agriculture ti pannakausar koma ti resulta ti Soil Fertility Mapping a pannaka-biblia ita dagiti mannalon tapno umisu ti panagusarda ti ganagan ket bumassit ti magastosda iti panagmulada.
Timmarabay met dagiti dadduma nga Opisiales ti ili nga isuda SBM Danny Q. Gazmen; SBM Vicky S. Serna, SBM Dr. Jemaima S. Tan-Yee, SBM Josefina S. Vallejo, SBM Jayhan Alcid-Tan; SBM Atty. Bryan Jett S. Pano ken ni Brgy. Captain Arnold “Bambi” Yangat iti daytoy a panagtataripnong. # (Web In-Action)
No comments:
Post a Comment