Friday, October 9, 2015

UMAD-ADU TI MAAPIT ITI HYBRID RICE!

Cabugao, Ilocos Sur  – Maibasar iti estatistika, maysa a mangiyagpang iti ekonomia ti ili ket iti panagngato ti apit ti pagay (hybrid) a gubuay ti di agsarday a panangilungalong ti Gobierno Munisipal ken Probinsial kasta met ti   DA-RFO 1 iti Cluster Techno-Demo on Hybrid Rice  kadagiti estratehiko a lugar iti pagtatalonan iti ili.

Imbatad ni Mr. Edgar S. Balangatan, AT, maysa kadagiti Technologists ti DA-LGU nga idiay  Barangay Turod, umap-apit ni Mr. Edgardo Garcia ti 125 kaban iti 5,200 Metro-kuadrado laeng a mulmulaanna iti Hybrid Rice.
    
Sakbayna,  dadduma a rekord ti maipapan iti Hybrid Rice ket iti 5-Hectare Cluster Techno-Demo on Hybrid Rice a nagsina a  nailunsad iti Barangay Pug-os nga indauluan ni Mr. Elmer G. Bromeo  ken iti Brgy. Namruangan nga idauluan ni Mr. Benjamin Castillo,  ket dinaydayaw da OIC DA Regional Executive Director

Wilma Ibea ken ni OIC  Ilocos Sur Provincial Agriculturist Constante B. Butacion, Jr.  ta nalabsan pay dagiti farm-cooperators ti “expected yield”  nga 6.5 tons iti 7-10 tons a naapitda iti kada ektaria.

Imbatad pay ni  Municipal Rice Program Coordinator Nereo S.  Daproza nga in-inuten a masursuruan ken umapal  dagiti mannalon nga  agraep ti Hybrid rice. Kangatuanen  ti  10 tons ti maysa nga ektaria ti naapit iti Hybrid Rice. Di agsarday ti DA-LGU a mangilungalong ti panagplano ti ad-adu nga agmula iti Hybrid Rice iti umay a main crop. Idi Main Crop 2012, ti Brgy. Turod Patac ti nabansagan a “Top Hybrid Rice Producer” ti ili a Cabugao, segun pay iti DA-LGU. # (Web In Action)

No comments:

Post a Comment