Cabugao, Ilocos Sur – Nangrugi a nagtakem dagiti napili a Young Public Servant idi Oktubre 26, 2015. Immuna a nakipasetda iti Flag Raising Ceremony ti LGU ket ditoy a naaramid ti panagsapatada iti takemda ken ni Mayor Edgardo “Ediboy” S. Cobangbang, Jr. iti imatang ti Pamilia-LGU Cabugao ken dagiti kameng ti Sangguniang Bayan ti ili.
Naisaganad ti pannakipulapolda kadagiti Personnel ti Opisina/Departamento iti nakapilianda a posision ken napagmimitinganda kadagiti dadaulo ti maseknan nga Opisina iti LGU iti mainayon nga akemen dagiti agtakem nga ubbing ken agtutubo iti umuna nga aldaw ti panagserbisioda. # (Web In-Action)
No comments:
Post a Comment