Cabugao, Ilocos Sur – Inimatangan dagiti Opisiales ti LGU-Cabugao nga idauluan da Mayor Edgardo “Ediboy” S. Cobangbang, Jr. ken ni Vice Mayor DJ Savellano iti pannakaisangpet ti Tseke nga aggatad ti P519,500 babaen iti panangipagteng dagiti pannakabagi ti Rural Health Unit (RHU)-Cabugao nga isuda Ms. Janet Sison, Public Health Nurse ken ni Ms. Elvie Satumba iti nadakamat a gatad nga inted ti Philhealth Regional Office iti Opisina ni Mayor Ediboy ita nga Oktubre 12, 2015.
Segun ken ni Ms. Sison, daytoy a naited a gatad ket mabatayan ti Munisipio iti 1st ken 2nd Quarter, 2014 Philhealth Capitation Fund babaen iti Per Family Payment Rate. 80% ti nasao a gatad ti maipaay iti Administrative Services a pakabuklan ti Medisina; Capability Building (Training) ken Infrastructure (kanaig ti salun-at) idinto ta ti 20% ket mapan iti Health ken Non-Health Professional Staff.
Nakikaysa met dagiti kameng ti Konseho Munisipal nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Jayhan Alcid-Tan; SBM Benedicto M. Savellano; SBM Josefina S. Vallejo; SBM Atty. Bryan Jett S. Pano ken ni ABC Pres. Teddy Soller. # (Web In-Action)
No comments:
Post a Comment