Tuesday, October 6, 2015

REFRIGERATION AND AIRCON TRAINEES, NAIPASADA TI TESDA TI NATIONAL CERTFICATE II (NC II)

Cabugao, Ilocos Sur -  Maipalagip a naaramid ti panagsanay ti Refrigeration and Air Conditioning and Plumbing iti Compound ti LGU Motorpool, Brgy. Baclig, Cabugao, Ilocos Sur idi Oktubre 27, 2014.


Binisbisita ida ni Mr. Arnel Gallardo, Focal Person, TESDA-Region 1 idi Nobiembre 13, 2014 iti nagsanayan dagiti Trainees tapno maala ti datos manipud kadagiti sangapulo (10)  a naeskolar iti nadakamat nga Skills Training para iti kasapulanda a rekord.

Daytoy a rusuat ket ipatungpal ti LGU-Cabugao ken ti Technical Education and Skills Development Authority (TESDA)-Region 1  ditoy Cabugao kadagiti indibidual nga agduyos a mangpadur-as ti kabaelanda kadagitoy a teknikal a maiyadal a kasapulan ti lokalidad iti agdama.

Kalpasan ti naaramid nga assessment babaen iti TESDA ket naammuan a naipasada ti nasao a panangamiris iti kabaelanda ket maikkan dagitoy a nag-trainee iti National Certificate (NC II) a mangipaneknek nga “skilled worker-dan” ket mabalinda nga usaren ti kabaelanda nga agtrabaho ken mangged iti ballasiw-taaw.


Daytoy a panagsanay ket naisayangkat babaen iti Bottom-up Budgeting Program ti LGU-Cabugao iti pannakikammayetda iti TESDA. 

Idi Oktubre 5, 2015, inimatangan da SB Member Atty. Bryan Jett S. Pano, Committee Chairman  on Social Services ken ni SBM Dr. Jemaima S. Tan-Yee iti pannakaited dagiti nasao a Certificate iti Opisina ni Mayor Edgardo “Ediboy” S. Cobangbang, Jr. iti Munisipio. # (Web In-Action)

No comments:

Post a Comment