FARM BUSINESS SCHOOL, NAILUNSAD ITI BRGY. CACADIRAN

Cabugao, Ilocos Sur – Naangay ti Project Launching ti Farm Business School  on Integrated Farming and Agribusiness idiay Barangay Cacadiran, Cabugao, Ilocos Sur idi Oktubre 7, 2015 a nagatendaran dagiti mannalon iti nasao a barangay.

Iti Part 1, naaramid ti Registration  of Participants, Visitors and Guests. Iti Part II,  Opening Prayer ni Ms. Merly Villegas, Farmer Participant. Kalpasan ti pannakakanta ti National Anthem ken ti Cabugao Hymn, nag-Welcome Message ni Brgy. Captain Melito Charito Siruno ken Acknowledgement of the Participants, Visitors and Guests ni Mrs. Joenah G. Sevilleja, AT, FBS Facilitator.

Nag-Overview of the Project ni Dr. Melinda F. Mangabat, ATI Training Specialist III/Project Officer.

Nagmensahe ni Mr. Constante B. Botacion, Jr.,  Provincial Agriculturist. Dinakamatna ti pateg ti proyekto ken baro a programa dagiti mannalon a mangiyagpang iti kaammuan dagiti mannalon iti pakaseknan ti panagpatanor ken napintas a merkado ti maimulada a nateng wenno cash crops.

Nangipaay met ti Mensahe da Vice Mayor DJ Savellano; SBM Benedicto M. Savellano, Committee Chairman on Agriculture ken ni SBM Atty. Bryan Jertt S. Pano.

Dinakamatda ti pateg ti proyekto a mangnayon iti matgedan dagiti mannalon babaen iti pannakaigannuat dagiti proyekto a mayataday iti Farm Season ken panagbalin dagiti mannalon nga Entrepreneur ken Enterprise Profitability.

Dinayawda met ti regget ti DA-OPAG Ilocos Sur iti napintas a koordinasion ken pannakikammayetda iti LGU-Partner nga agtultuloy a mangilunglungalong kadagiti programa ken proyekto a mangnayon iti pagimbagan dagiti mannalon iti Munisipalidad.

Iti maikatlo a parang ket naaramid ti Presentation of FBS Partners and Enrolees and Orientation Briefing to the Farmers Class babaen ken ni Mrs. Joenah G. Sevilleja. Closing Remarks ti inakem ni Mr. Jimmy P. Seguban, Cacadiran FA President. Pinagyamananna iti LGU-Cabugao nga idauluan ni Mayor Edgardo “Ediboy” S. Cobangbang, Jr.  ken iti OPAG-Ilocos Sur iti pagsayaatan a maited manen  kadagiti padana a mannalon ditoy a deppaar. # (Web In-Action)