Cabugao, Ilocos Sur – Nakaipilan ti Certificate of Candidacy ti sibubukel a line-up nga indauluan da Mayor Edgardo “Ediboy” S. Cobangbang, Jr. ken ni Vice Mayor Deogracias Jose “DJ” Victorino H. Savellano para iti May 9, 2016 Automated National, Local and ARMM Elections iti salinong ti partido ti Nationalist Peoples Coalition (NPC) idi Oktubre 16, 2015.
Kinakuyog da Mayor Ediboy ken ni Vice Mayor DJ a nagipila ti kandidaturada da SBM Danilo Q. Gazmen; SBM Vicky S. Serna; SBM Dr. Jemaima S. Tan-Yee; SBM Jayhan Alcid-Tan; SBM Josefina S. Vallejo; Atty. Bryan Jett S. Pano; Brgy. Captain Arnold V. Yangat ken ni Atty. Randy B. Kinaud a paelektaran iti puesto ti Sangguniang Bayan ti ili a Cabugao, Ilocos Sur.
Dagiti baro a kandidato iti line-up da Mayor Ediboy ken ni Vice Mayor DJ ket da Barangay Captain Arnold V. Yangat ken ni Atty. Randy B. Kinaud.
Nasged ti pammati ti grupo ni Mayor Ediboy a babaen iti agtultuloy a suporta, pammati ken talek dagiti umili para iti sabali manen a termino a tallo a tawen-da iti takem ket maitultuloyda dagiti napadur-asen a programa/proyekto ken pagsayaatan para iti agtultuloy a panagprogreso ti ili a Cabugao, Ilocos Sur. # (Web In-Action)
No comments:
Post a Comment