Cabugao, Ilocos Sur –Naisangpet ditoy Munisipio ti lima a makinaria a naggapu iti DA-RFO 1 (Rice Banner Program) babaen kadagiti Staff ti Municipal Agriculture Office nga idauluan ni OIC MAC Robert S. Savella ken dagiti Opisiales ti lima a Farmers Association a a nakagun-od kadagitoy kas iti Alina-ay Farmers Association - Shallow Tube Well Generator; Aragan FA - Generator; Turod FA – Generator; Namruangan FA - Rice Thresher with complete accessories; ken ti Sagayaden FA – Hand Tractor with complete accessories babaen iti Farm Mechanization Program ti Departamento ti Agrikultura (DA) idi Oktubre 22, 2015.
Inimatangan da Mayor Edgardo “Ediboy” S. Cobangbang, Jr. ken dagiti kameng ti Sangguniang Bayan nga isuda SBM Benedicto M. Savellano, Committee Chairman on Agriculture; SBM Josefina S. Vallejo; SBM Jayhan Alcid-Tan ken ni SBM Atty. Bryan Jett S. Pano a nangbayabay kenkuana a nangimatang kadagitoy a ramit-agrikultura kadagiti maseknan.
Impaganetget ni Mayor Ediboy ti nasayaat a panangmantenerda kadagitoy a nagun-odda a makinaria ket no maestimar a nasayaat dagitoy a maited a ramit ket apalanto ti sumarsaruno a henerasion ket papananna nga agturong ti sektor dagiti asosasion a naballigi dagiti irusatda a programa ken proyekto a pagsayaatanda.
Pinagyamanan met dagiti Opisiales ti lima a barangay iti Gobierno Munisipal iti pannakatarabayda a nanggun-od kadagitoy a makinaria iti panangiyendorso ni Mayor Ediboy iti DA-RFO 1 babaen iti 85-15 Counterpart Scheme.
Nakikaysa met ni Mr. Elmer G. Bromeo, Federated Farmers President iti nasao a taripnong. # (Web In-Action)
No comments:
Post a Comment