Cabugao, Ilocos Sur - Iti pannakiuman ti Web In-Action ken ni MENRO Edgar S. Balangatan, AT, kastoy ti makunana: “Dagiti ibagbaga tayo nga basura (bulbulong)ket ar-aramiden mi nga abono, dagiti bote, lata, etc. mailako. Dagitoy ket maar-aramid sadiay Cabugao Ecological Park and Center nga masarakan idiay Barangay Quezon, Cabugao, Ilocos Sur.
Kabayatanna, agtultuloy a mamantener ti Cabugao Ecology Center a masarakan iti Sitio Baliw, Brgy. Quezon, Cabugao, Ilocos Sur babaen ti panangasikaso dagiti Personnel iti LGA Tech., Inc. ken ti LGU a naka-assigned iti Solid Waste Management Program nga idauluan ni MENRO Edgar S. Balangatan.
Malaksid iti pannakaidalimanek dagiti basura a maisangpet, agtultuloy met a madalusan ti aglawlaw iti Ecology Center ken mamantener dagiti ramit ken mulmula iti uneg ti inaladan daytoy.Ti pannakaidalimanek ti basura ket maysa a kangrunaan a pakaseknan ti Munisipio nga agtultuloy a maipatungpal babaen kadagiti mangtarawidwid kadaytoy tapno mamantener ti buya ti aglawlaw ken
agkuykuyog ti napintas a sanitasion ken iti agtultuloy a kinadalus ti aglawlaw iti ili ti Cabugao. #
No comments:
Post a Comment