KAWAN HOLIDAY, NAANGAY ITI 2ND DAY TI BSP DISTRICT CAMPORAL

Cabugao, Ilocos Sur – Naangay ti Kawan Holiday iti maikadua nga aldaw ti BSP District Camporal idi Oktubre 17, 2015 babaen iti Tema: “Together We Can Save Mother Earth”  iti Brgy. Salomague, Cabugao, Ilocos Sur a nagpartisiparan dagiti Kawan Members, Kawan Leaders (KL) ken  ti Cabugao DepEd District Officials. 

Naaramid ti Parade dagiti delegasion ti uppat a Zones a makasakup iti Kawan  sa naisaruno ti programa. Kalpasan ti Opening Prayer, inyam-amo dagiti Kawan Leaders ti delegasionda (Zone 1, 2, 3 ken 4). Naaramid ti Re-dedication babaen kadagiti pannakabagi ti Zone 1, 2, 3, ken 4 iti Pangako, Batas, Motto ken Slogan. 

Iti maikadua nga aldaw, Oktubre 17, 2015, inkagumaananda nga inleppas dagiti aktibidadda a maaramid koma iti maikatlo nga aldaw  iti  Oktubre 18, 2015 agsipud ti idadatengen  ti Bagyo Lando iti Ilokos ket nakalayat ti Storm Signal No.  1 ken No. 2 idi agangay babaen iti PAG-ASA Forecast. 

Nagatendar iti nasao a BSP District Camporal da Dr. Concesa T. Rumias, Ed. D., Public Schools Supervisor ken ni   Mrs. Melvie S. Sajonia, Principal II, Cabugao South Central School.  

Nagyaman ti District Supervisor iti panangimatang dagiti Opisiales ti ili, Barangay  ken DepEd iti aktibidad ti Kawan Field Day ken iti Boy Scout. Anag ti mensahena iti naballigi a pannakaigannuat dagitoy a pagsaysayaatan dagiti ubbing nga  agad-adal.

Nakikaysa met ni Vice Mayor DJ Savellano iti nasao panagtataripnong ti BSP. Kalpasan ti Declaration of the Opening of the Kawan Holiday  babaen iti CDKLA Coordinator, naaramid ti Lighting of the KAWAN Torch.

Pannakaitandudo ti Scouting a mangmuli kadagiti ubbing para iti natibker a masakbayanda iti kangrunaan nga anag ti mensahe nga impaay ni  BSP OIC Council Executive Gil Savellano. Ed. D. Kalpasan ti programa, naaramid ti presentation ti tunggal Zone (1,2,3, ken 4). 

Nagatendar da Mrs. Melvie S. Sajonia, Principal II, Cabugao South Central School  ken ni Mrs. Estrellita M. Siruno, Principal II, Cabugao North Central School. 

Nakikaysa pay  dagiti Opisiales ti Barangay Salomague  ken dagiti BPATS/Tanod Members  nga idauluan ida ni Brgy. Captain Eliseo R. Serrano iti nasao a panagtitipon.  # (Web In-Action)