Tuesday, October 27, 2015

SATURDAY MATH CLASS, NAILUNSAD

Cabugao, Ilocos Sur – NNailunsad ti Saturday Math Class kadagiti napili nga ubbing agad-adal iti intero a pageskuelaan ti Cab ugao DepED District idi Oktubre 23, 2015 iti Cab ugao North Central School.

Segun kadagiti mangtartarawidwid a mangisursuro kadaytoy a pito nga agsasaruno a Sabado a Math Classes ket napili dagiti ubbing nga agklase ti Math maibasar iti kapabilidadda kadagiti naglabas a Math Classes.

Imbatad met dagiti Nagannak/Guardians a napan nagbantay idi Oktubre 23, 2015  ket saan a panagtaktak ti panagsakripisioda a nangbantay ken nangtarabay kadagiti annakda iti maang-angay a Math Class kadagiti pageskuelaan ti Cabugao DepED District iti intero a Munisipalidad ti Cabugao ita a bulan ti Oktubre 2015. 

Kinuna pay dagiti kaaduan a nagannak a nagbantay iti ruar ti klase a maragragsakanda ta maipamaysa a masanay manen dagiti annakda iti Subject a Math ken manayonan ti panagtalek dagiti ubbing kadagiti bagbagida gapu ta adda pakaidumaanda a kabaelan iti kaaduan a kaeskuelaanda.

Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte ti pannakadisiplinada daytoy nga aktibidad nga iwayat ti DepED.

Innayon dagiti mangisursuro a maobserbaran   kadagiti nagenrol ket isuda ti kaaduan a nalaing iti klaseda iti pageskuelaanda nangruna iti Science Subject ken isuda pay ti kaaduan a maikonkontes iti nasao nga asignatura iti Distrito ken iti Division Level. # (Web In-Action)

No comments:

Post a Comment