DISTRICT JUNIOR INTER-TROOP CAMP, NAANGAY IDIAY BRGY. SALAPASAP

Cabugao, Ilocos Sur – Naangay ti  2-Day Girl Scout of the Philippines (GSP) District Junior Inter-Troop Camp 2015  idi Oktubre 16-17, 2015 babaen iti Tema: “Together We Can Save Mother Earth” idiay  Brgy. Salapasap, Cabugao, Ilocos Sur.

Immuna ti Entrance of Campers babaen ti GSP March, Prayer ti Girl Scout Member, Colors iti Girl Scouts, Panunumpa sa  Watawat ken Rededication to the GS Promise & Law. Opening Remarks  ti pannakabagi ti Cabugao GSP District Troop Leaders Association.

Binagi ni Mrs. Nora Quibilan ti Presentation of Campers and Camp Staff. Iti mensahe ni GSP District Commissioner Dr. Concesa T. Rumias, Ed. D., Public Schools Supervisor, kinaritna dagiti ubbing nga adda koma maadalda iti pannakigamuloda iti Girl Scouting kangrunaan ti panagluto, panagdalimanek ti aruaten, ken maasa ti talentoda. Innayonna nga iti Inter-troop Camp, adu ti saan a maikappeng ti GSP  nga ubbing gapu iti kinakurang ti pagbayadda. Tapno maidian ti apal ken liday ti maseknan nga ubing, ipursigeda koma ti “Adopt a Scout”  dagiti adda iti kabaelanna a manggastos ti usaren ti ubing tapno mariknada met ti padas ti adventure ti  biag ti  Girl Scout.

Impeksa ti District Commissioner iti regget dagiti Stakeholders, NGO, nagannak ken iti agtultuloy a suporta ti  LGU nga idauluan ni Mayor Edgardo “Ediboy” S. Cobangbang, Jr.   iti Scouting Activities. 

Kagiddan itoy, impakaamo ti District Supervisor iti opisial a panaglukaten/panagrugi  ti GSP Junior District Inter-Troop Camp 2015. 

Iti maikadua nga aldaw, Oktubre 17, 2015, inkagumaananda nga inleppas dagiti aktibidadda a maaramid koma iti maikatlo nga aldaw  iti  Oktubre 18, 2015 agsipud ti idadatengen  ti Bagyo Lando iti Ilokos ket nakalayat ti Storm Signal No.  1 ken No. 2 idi agangay babaen iti PAG-ASA Forecast. 

Impaay ni  District Field Adviser Mrs. Estrellita M. Siruno, Principal II, Cabugao North Central School ti Camp Song. 

Nagatendar da Mrs. Melvie S. Sajonia, Principal II, Cabugao South Central School ken ni Mrs. Estrellita M. Siruno, Principal II, Cabugao North Central School iti nadakamat a panagtataripnong.

Nakikaysa met dagiti Opisiales ti Barangay Salapasap ken dagiti BPATS/Tanod Members  nga idauluan ida ni Brgy. Captain Ronel M. Zamora iti nasao a panagtitipon.  # (Web In-Action)