Cabugao, Ilocos Sur – Sigagagar a nagturong dagiti mannalon a tinarabay dagiti Farmer Leaders ken Barangay Officials iti 33 a barangay ti ili a Cabugao, Ilocos Sur iti sango ti Presidencia (Municipal Hall), Cabugao, Ilocos Sur iti Oktubre 9, 2015 tapno awatenda iti mabatayanda iti maiwaras a Ryan Corn (LVN 10) Seeds nga ited ti Provincial Government babaen iti panangidaulo ni Governor Ryan Luis V. Singson.
Sakbay ti distribusion, nagsarita ni Mayor Edgardo “Ediboy” S. Cobangbang, Jr. Kimmablaaw ken nagyaman iti simmangbay manen a pagimbagan dagiti umili ti Cabugao. Impaganetgetna a napintas koma ti pannakaibanag daytoy a proyekto a maited kadagiti mannalon ket taripatuenda koma a naimbag tapno matun-oyan ti nangato nga apit ken kalidad ti mais a mangitandudo ti ili iti produksion daytoy a cash crop iti Probinsia.
Nagsarita met ni Mr. Teofilo R. Quintal, pannakabagi ni Governor Ryan a nangilawlawag ti pakabuklan/pakaseknan daytoy a programa ti Gobierno Probinsial ken iti wagas a pannakaibunong ti bukel kadagiti mannalon.
Nakikaysa met da Vice Mayor Deogracias Jose “DJ” Victorino H. Savellano; SBM Danny Q. Gazmen; SBM Benedicto M. Savellano, Committee Chairman on Agriculture; SBM Vicky S. Serna; SBM Jayhan Alcid-Tan; SBM Josefina S. Vallejo ken ni SBM Atty. Bryann Jett S. Pano iti panagrugi ti distribusion.
Dagiti DA-LGU Personnel nga idauluan ni Municipal Agriculturist Robert S. Savella ti nagasikaso ti listaan kadagiti lamisaan a pagturongan dagiti nakapila a mannalon a mangala ti mabatayanda a bukel idinto ta timmulong met dagiti pannakabagi ti Gobierno Probinsial iti pannakaiwaras dagiti nadakamat a bukel. # (Web In-Action)
Sakbay ti distribusion, nagsarita ni Mayor Edgardo “Ediboy” S. Cobangbang, Jr. Kimmablaaw ken nagyaman iti simmangbay manen a pagimbagan dagiti umili ti Cabugao. Impaganetgetna a napintas koma ti pannakaibanag daytoy a proyekto a maited kadagiti mannalon ket taripatuenda koma a naimbag tapno matun-oyan ti nangato nga apit ken kalidad ti mais a mangitandudo ti ili iti produksion daytoy a cash crop iti Probinsia.
Nagsarita met ni Mr. Teofilo R. Quintal, pannakabagi ni Governor Ryan a nangilawlawag ti pakabuklan/pakaseknan daytoy a programa ti Gobierno Probinsial ken iti wagas a pannakaibunong ti bukel kadagiti mannalon.
Nakikaysa met da Vice Mayor Deogracias Jose “DJ” Victorino H. Savellano; SBM Danny Q. Gazmen; SBM Benedicto M. Savellano, Committee Chairman on Agriculture; SBM Vicky S. Serna; SBM Jayhan Alcid-Tan; SBM Josefina S. Vallejo ken ni SBM Atty. Bryann Jett S. Pano iti panagrugi ti distribusion.
Dagiti DA-LGU Personnel nga idauluan ni Municipal Agriculturist Robert S. Savella ti nagasikaso ti listaan kadagiti lamisaan a pagturongan dagiti nakapila a mannalon a mangala ti mabatayanda a bukel idinto ta timmulong met dagiti pannakabagi ti Gobierno Probinsial iti pannakaiwaras dagiti nadakamat a bukel. # (Web In-Action)
No comments:
Post a Comment