Cabugao, Ilocos Sur – Maangay ti 3-Day 21st District Schools Press Conference iti Cabugao DepEd District iti Oktubre 28-30, 2015 ket maangay iti Social Hall, Cabugao South Central School, Brgy. Bonifacio, Cabugao, Ilocos Sur.
Iti 1st Day, Oktubre 28, 2015, naangay ti Opening Program ket nausar ti Powerpoint Presentation iti Doxology ken National Anthem.
Words of Welcome ti impaay ni Mrs. Melvi S. Sajonia, Principal II iti Cabugao SCS ket dinakamatna ti pateg ti panangpadur-as ti kabaelan nga agsurat. Imbinsana dagiti pagsayaatan a maaramidan ken akem dagiti Journalists.
Kalpasan ti Intermission Number dagiti CSCS Journalists, impresenta ni Mr. Delfin Irorita, MT1, Turod Elementary School dagiti Participants ken pageskuelaan a naggapuanda.
Impresenta met Miss Jennifer D. Savellano dagiti Trainers nga isuda Mrs. Erlinda L. Guerrero, Newswriting; Mrs. Julia A. Cayso, Sports Writing; Mrs. Nora Quibilan, Editorial Writing; Miss Jennifer D. Savellano ken ni Mrs. Madelene Sonido, Feature Writing; Mr. Rommel Santella, Editorial Cartooning; Mr. Donato Sambrana ken ni Mr. Michael Somera, Photojournalism; Miss Cheryll Sonico ken ni Mrs. Luz Valle, Science and Technology; Mr. Delfin Irorita, Copyreading; Mrs Maryjane Sagun ken ni Mr. Carlos Vargas, Collaborative Writing and Layouting; Mr. Paul Benedict N. Yacap, Script Writing and Radio Broadcasting.
Nangted ti Inspirational Message ni Mayor Edgardo “Ediboy” S. Cobangbang, Jr. Kimmablaaw ken nagyaman iti pannakilangenna kadagiti mannursuro ken mannurat. Kinaritna dagiti Trainers nga agtultuloyda koma a manghulma kadagiti agad-adal nga ubbing ken iti pananggun-od latta kadagiti pammadayaw ken balligi ti Distrito ti Cabugao nangruna iti benneg ti Division Level.
Pinadayawan pay ti Ama ti Ili dagiti Trainers iti nadumaduma nga aspeto ti panagsuratan iti ayatda a mangiyallatiw kadagiti talentoda ken kabaelanda kadagiti mannurat nga ubbing tapno agtultuloy a manayonan ken maasa ti kabaelanda kadaytoy a tay-ak ti paglaingan a mangitunda iti pakaidaydayawan dagiti pageskuelaan ti Distrito ken iti ili a Cabugao a pagnanaedanda.
Nangted met ti Mensahe da Dr. Concesa T. Rumias, Ed. D., Public Schools District Supervisor ti ili a Cabugao; Mrs. Gregoria C. Sabalburo, EPS-Filipino, DepED Division Office ken kasta metten ni Mr. Marlon Taloza, Education Program Supervisor (EPS)-English.
Binagi met ni Mrs. Julia A. Cayso, District Campus Journalism Coordinator ti Statement of Purpose and Orientation.
Immuna a naglektiur ni Mr. Donato Sambrana, MT 1, Arnap ES iti maipapan iti Photojournalism. Agtultuloyen ti lektiur ken workshop agingga iti malpas ti seminar.
Nagpaay nga Emcee da Mr. Paul Benedict N. Yacap, T1, Sisim E/S ken ni Ms. Frances Jocelle Singson, T1, Sagayaden E/S. # (Web In-Action)
No comments:
Post a Comment