Wednesday, October 21, 2015

NAGBISITA DA GOV. RYAN KEN CONG. RONALD GAPU ITI BAGYO LANDO

Cabugao, Ilocos Sur – Nagbisita da Congressman Ronald V. Singson ken ti grupona iti ili a Cabugao, Ilocos Sur idi Oktubre 17, 2015 ket nagturongda iti Opisina ni Mayor Edgardo “Ediboy” S. Cobangbang, Jr.


Iti dayta a gundaway, agtigtignayen  ti puersa ti Municipal Disaster Risk Reduction Management Council (MDRRMC)-LGU Cabugao, Ilocos Sur  kasta met dagiti WASAR Rescuers babaen iti panangimaton ni MDRRMC Officer Engr. Nestor B. Somera tapno agmonitorda  gapu iti kaaddan  ni “Bagyo Lando”  iti dayta nga aldaw ditoy Ilokos babaen iti PAG-ASA Bulletin.

Kanaig daytoy, nasuspenso pay laeng ti klase ti amin a pagadalan iti Munisipalidad manipud Oktubre 19, 2015 agingga iti agdama gapu iti agbaliwbaliw a pagsenialan ti signal daytoy nga agdaldaliasat a Bagyo Lando ditoy Ilokos. 

Iti met Oktubre 20, 2015, nagbisita da Governor Ryan Luis V. Singson ken ni PDRRMC Chairman Michael Chan ken ti grupoda iti ili a Cabugao, Ilocos Sur ket  binayabay dagiti Opisiales ti Ili ken ti Munisipio nga idauluan ni Mayor Edgardo “Ediboy” S. Cobangbang, Jr. daytoy a panagbisita ti Ama ti Probinsia. # (Web Situational Report)

No comments:

Post a Comment