MPDP TI DUA A BARANGAY, MALMALPASEN

Cabugao, Ilocos Sur - Mairingringpasen ti dua a Multi-purpose Drying Pavement (MPDP) kadagiti Barangay ti Aragan ken Carusipan iti agdama ken nagkammayyetan a proyekto ti DA-RFO 1 ken ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Iti pannakiuman ti Web In-Action kadagiti Opisiales ken lumugar kadagitoy a barangay ket impeksada ti nalaus a panagyamanda iti DA-RFO1 ken ti Gobierno Lokal ta no mausardanton dagitoy a pagbilagan ket nalaklakanton ti pannakaipamaga dagiti maitakdang nga irik

iti pagtatalonan ken  matiliar a mais (puraw ken amarilio) pay ditoy a deppaar. Kanaig daytoy, kunada pay a maigapu iti kaadda ti napintas a pamilaganda ket maisambotda  iti napintas a presio dagitoy a produkto ken  Cash Crop a mangnayon iti matgedanda iti panagtalonda.

Segun ken ni MENRO Edgar S. Balangatan, AT, nairingpasen ti MPDP iti parte ti Brgy. Aragan idinto ta mailepleppasen metten iti pannakabiang ti Brgy. Carusipan. # (Web In-Action)