Wednesday, April 18, 2012

BARANGAY DARDARAT: LIKAS YAMAN AWARD NOMINEE, NA-EVALUATE

Cabugao, Ilocos Sur – Nakikoordinar  ti grupo ti DENR Regional Office 1  nga idauluan ni Engr. Cesar Cabansag, Regional Planning Officer ita nga aldaw, Abril 18, 2012 iti Opisina ni Mayor Edgardo  “Ediboy” S. Cobangbang, Jr. tapno igannuatda ti ebaluasion  iti Barangay Dardarat kas nominee iti “Likas Yaman Awards”, Regional Level  a pannangted ti pammigbig   kadagiti lugar a nakaigannuat ti proyekto a para iti pannakapasayaat ti rekursos ti kabaybayan ken  pangrambak pay  ti selebrasion ti  Ahensia ti DENR iti “Environment Month” inton bulan ti Hunio 2012, segun ken ni Engr. Cabansag. 

Nainominar ti Barangay Dardarat iti “Best Community-Based Coastal Project Category”  babaen iti Sustainable Mangrove Plantation-na ken Fish Sanctuary and  other marine resources  a kangrunaan a naipamaysada a tinaripato ket nagintek ti dokumentasion ti pannakisalipda   iti kallabes a tawen 2011. Apaman a dimteng ti grupo iti Barangay Dardarat, naiwayat ti impormal ken aktual a panaginterbiu a kabulon ti panangamiris pay kadagiti mainayon a papeles, iti disso ti banag a maisalip,  aglawlaw ken dagiti lumugar  ken  opisiales ti barangay nga idauluan  ni Brgy. Captain Danny Garcia.

Iti nasao a salip,  maysa pay a   pamuntosan  ti Barangay Dardarat  segun iti  maysa nga evaluator  ket iti adun  a pammadayaw a naragpatna iti pakaseknan ti coastal resources management  ken mangpabileg  daytoy  ti tarigagay ti Opisiales ken lumugar  ti Barangay Dardarat  a mangabakda  iti nasao a kompetision. 

Binayabay  da MENRO Edgar S. Balangatan ken Municipal Tourism Officer Dario Roy Siruno  dagiti evaluators a simmangbay iti Barangay Dardarat ken kinatinnulong ni Brgy. Captain Danny Garcia ida  a nangiwardas ti panagamiris dagiti sangaili kadagiti kasapulanda a kitaen ken graduan. # (Web In-Action)

No comments:

Post a Comment