FINANCIAL STATEMENT TI ASOSASION, MAIKKAN TI KOPIA TI BIR

Cabugao, Ilocos Sur – Nagkaykaysa dagiti opisiales dagiti  rehistrado nga asosasion ti mannalon iti ili a Cabugao, Ilocos Sur babaen ti pannarabay ti DA-LGU nga imatonan ni Mrs. Ester P. Aguimbag, Coordinator ti Federated Farmers’ Association  ita nga Abril 11, 2012 tapno pagtitinnulonganda a pirmaan dagiti papeles nga inted ti BIR ken  simpaenda dagiti papelesda iti Financial Statement (Cash Statement ken Balance Sheet, CY 2011) ta intuding ti BIR nga agpatingga iti Abril 15, 2012 ti panagisubmiter ti tunggal rehistrado nga asosasion ti FS-da ken dadduma pay a papelesda.
Iti nasao a workshop dagiti opisiales, natratar ti kasasaad ti libro de benta (Book of Accounts) dagiti asosasion partikular ti “Assets and Liabilities”  (Balance Sheet) kas reperensia ti BIR iti panangitedna ti Tax Exemption kadagiti asosasion. Sagudayen ti linteg, mangisubmiterda latta ti Financial Statement-da nupay mapakawanda iti panagbuis gapu ta “Non-Stock, Non-Profit”  ti kaaduan a  kategoria a nakairehistruan ti asosasionda.
Napagkaykaysaanda pay ti  Bookkeeper-da  a mangtaming iti libro de bentada.
Manamnama a maisubmiter dagitoy nga asosasion dagiti kasapulan a papeles sakbay ti naituding a deadline tapno maliklikan ti perhuisio a pataudenna ken ma-update ti record-da ken masagsagana no adda banag a  pangyusaranda. # (Web In-Action)