Cabugao, Ilocos Sur – Napasayaaten (nakongkreto) ti tallo a serkan ti kalsada iti Brgy. Bonifacio, Cabugao, Ilocos Sur a dagitoy ti sumrekan iti Arcebal Street, Gen. Luna Street ken Emilio Jacinto Street, agpapada a busy streets a konektado iti National Highway iti nasao a barangay babaen ti panangilungalong ti Gobierno Munisipal nga idauluan nI Mayor Edgardo “Ediboy” S. Cobangbang, Jr. ken panangikalikagum ni Brgy. Captain Valentin S. Tuyor, Jr. iti nasao a barangay.
Babaen ti pannakasementona ket kaaduan nga agdaldaliasat ken motorista ti nangibatad a manam-ayanda uray kadagiti pasahero ken nakalugan ta agbulanosen ti taray ti lugan ket maliklikan ti bigla a pannakaisan-ek no agmenor a golpe ti lugan idi saan pay a natarimaan dagitoy a serkan.
Iti sabali a bangir, mabenepisiaran met ti sapasap iti pannakasemento ti CCP shoulder lane ti kalsada iti batog ti Cabugao Central Park (CCP) iti National Highway agsipud ta sistematiko ti panagparking ti grupo ti traysikelan nga agallawat/mangitunda ti pasahero kadagiti bus iti aldaw ken rabii. Kaaduan met kadagiti traysikelan ti nagkuna a nabang-aranda ti pannakaikalawa ti pagparkinganda/pagmaniobraanda a traysikelan.
Pagyamananda ti dakkel a naitulong ti LGU nga idauluan ni Mayor Ediboy ken mangnamnamada pay ti pannakaaramid ti paglinonganda nga agpasada malaksid iti adda ita a pagurayan babaen iti kammayetda nga agkalikagum para kadakuada a traysikelan a pakairamanan metten ti publiko a pagserbianda. (Web In-Action)
No comments:
Post a Comment