Wednesday, April 11, 2012

LIDERES TI 4-H CLUB TI CABUGAO, AGATENDAR TI SEMINAR ITI DA-ATI

Cabugao, Ilocos Sur – Manamnama nga agpartisipar  dagiti uppat a kameng ti 4-H Club Cabugao iti maaramid a panagtataripnong idiay Sison Auditorium, Capitol Grounds, Lingayen, Pangasinan inton  Abril 12-14, 2012 ket napauluan ti aktibidad iti  “Regional Farm Family Forum for Rural-Based Organizations”  (RBO’s) nga addaan ti tema: “RBO’s Weathering Climate Change: Governance and Accountability. Everyone’s Responsibility” nga isayangkat ti DA-Agricultural Training Institute (ATI), Regional Training Center 1, Sta. Barbara, Pangasinan.
Manamnama nga atendaran ti 150 nga agtutubo, babbai ken lideres-mannalon iti intero a Rehion Uno.
Iti pakaammo a naggapu ken ni Provincial Agriculturist Teofilo R.  Quintal ken naidanon  iti Opisina ni Mayor Edgardo S. Cobangbang, Jr., kiniddaw ti opisial ti DA iti suratna nga agatendar ti uppat a youth leaders ti ili ti Cabugao a nangabak ti nagduduma a kategoria iti naangay nga “4-H Club Achievement  Day” idi Abril 3, 2012 iti OPAG Conference Hall, Bantay, Ilocos Sur.
Isuda: Mr. Christian S. Domondon, Ms. Rochelle Galamgam, Miss Lineth G. Ilar ken maysa pay a di nainaganan   ken   makiddaw a tarabayen ti  4-H Club Municipal Coordinator dagiti sumaganad a delegado iti 3 aldaw a seminar-da. # 

No comments:

Post a Comment