Thursday, April 12, 2012

FAMILY DEVELOPMENT SESSION TI 4’PS, NAANGAY

Cabugao, Ilocos Sur – Naaramid ti Family Development Session  (binulan) kadagiti miembros ti 4’Ps (Pamilyang Pantawid Pilipino Program) iti Barangay Namruangan, Cabugao, Ilocos Sur ita nga Abril 12, 2012 iti salinong ti  Barangay Tree Park ti barangay a no sadino a ditoy a nagatendar  ti 91 a miembros ti 4’Ps, pannakabagi ti RHU Cabugao, MSWDO, ken opisiales ti barangay.

Paset ti pagmitinganda ti pannaka-update ti records  dagiti miembros babaen kadagiti ma-fill up-pan a pormas nga aggapu iti Secretrariat ti Programa ken kabuyogna ti medical assistance kadagiti addaan ti sakit, masikog ken mairaman pay ti family planning session tapno naan-anay ti serbisio a maited kadagiti benepisiario kadaytoy a programa.

Agserbi pay daytoy a session a pangiyadalan ti nadumaduma nga ahensia wenno opisina iti mainaig a katinnulong ti programa kas iti panangammo ti kalintegan nga inlektiur ti Women Desk ti Municipal Police Station ken kanaigna nga impormasion a maiyadal kadagitoy.

Indauluan ni Miss Aida Cueto ti MSWDO dagiti naglektiur ken nagasikaso kadagiti nagatendar. Kaduana da Mrs. Gregoria Sesuca, Ms. Carol Manantan, Ms. Jennifer Cobangbang, Ms. Jennifer Rabor ken Ms. Pamela Raquenio, agpapada a pannakabagi ti RHU Cabugao.

Kalpasan ti Barangay Namruangan, maisaruno a papananda iti Barangay Pug-os, segun ken ni Miss Cueto.

“Kayatmi nga ipeksa ti panagyamanmi iti LGU kada Mayor Ediboy Cobangbang, Jr.  ken da Ma’am Lydia Gazmen ta dakkel a makatulong kadakami daytoy nga programa ti Gobierno,” imbatad ni Mrs. Imelda T. Rayrao, Parent Leader ti Saranay/Tagumpay, Barangay Namruangan. 

Dagiti pakabuklan ti 4’Ps ti Barangay Namruangan ket dagiti sumaganad:

Grupo
Leader
Purok/Nagan
No. of Members
4
Imelda T. Rayrao
Saranay/Tagumpay
27
2
Conchita V. Gorospe
Pagkakaisa/Wagayway
19    
1
Grace Rabor
Cacarsan/Caloy
24
3
Grenalyn Saplor
Pag-asa
21

No comments:

Post a Comment