Friday, April 6, 2012

FISH CAGE TI 4-H CLUB, NAGAPITDA


Cabugao, Ilocos Sur – Naammuan ken ni Mrs. Joenah G. Sevilleja, Municipal Agriculturist ti DA-LGU Cabugao ken Coordinator ti 4-H Club a nagapit ti 4-H Club ti Barangay Namruangan, Cabugao, Ilocos Sur iti impupokda ken tinarakenda a  Tilapia Fingerlings iti sabangan ti Karayan Cabugao a nakaaramidan ti Fish Cage-da a nakaipupokan ti 1,800 a Tilapia Fingerlings.

Nakaapitda iti 55 kilos iti damo  ken nailako iti P100 ti kada kilo idi Abril 3, 2012. Adda pay nagyan ti Fish Net ngem babbabassit ket maipad-eng pay laeng ti pannakakalapna.

Malaksid kadagiti mabayadan a kas iti nausar a feeds ken dadduma a fingerlings, maipan iti pundo ti 4-H Club ti mapaglakuanda. Ni Miss Linneth Ilar ti agdama a Presidente ti 4-H Club ti Barangay Namruangan a tartarabayen met laeng ni Brgy. Captain Robertson Gorospe. # (Web In-Action)

No comments:

Post a Comment