Cabugao, Ilocos Sur – Dua a banag ti pakatulongan ti Philippine National Police (PNP) iti publiko ken sangsangaili ita a Semana Santa babaen ti panangipakat ti puersa ti Cabugao Municipal Police Station nga idauluan ni Chief of Police William N. Nerona nga isu daytoy ti “Public Assistance Center” (PAC) ken “Motorist Assistance Center” (MAC) wenno PAC-MAC ti pangyababaan.
Segun ken ni PO1 Darwin Salarzon a mabalin a pagpatulongan dagiti naka-destino a polis ken Peacekeeping Force (BPATS) iti PAC dagiti sangaili nga adda birbirokenna wenno amadenna. Mangibagnos met kadagiti motorista wenno behikulo ti MAC tapno naannayas ti trapiko ken malapdan ti aksidente. Ita nga Abril 5, 2012, timmulong ti kameng ti Citizens Involvement Services, Inc. (CIS), nga agtaming ti trapiko a kaduada dagiti polis iti National Highway. # (Web In-Action)
No comments:
Post a Comment