Tuesday, April 3, 2012

TARIPNONG DA MAYOR EDIBOY KEN DAGITI AGPATPATANOR TI MANGGA ITI CABUGAO

CABUGAO, ILOCOS SUR – NAANGAY ti pannakitaripnong ni Apo Mayor Edgardo “Ediboy” S. Cobangbang, Jr.  kadagiti  agpatpatanor  ti mangga itoy nga ili iti Barangay Hall ti Brgy. Rizal. Ditoy met iti nangyawatan ti Ama  ti Ili iti dagup a P200,000 (cheque) a naisangrat  para kadagiti agpatpatanor  ti mangga. 

Dinakamat  ni Mayor Ediboy  ti “fully grant fruits/vegetables storage technology” babaen ken ni Apo Edith Castillo. 

Inamad met dagiti nadakamat nga agpatpatanor ti mangga, nga idauluan ni Apo Harry Segui, no mabalinda iti agidulin kadagiti produktoda iti bukodda a bodega nga inannamongan met nga insegida ni Mayor Ediboy  “basta la ketdi natalged” kinunana.

Insingasing ni Mayor Ediboy  ti “maximize meeting” ti gunglo dagiti agpatpatanor  ti mangga itoy nga ili.

Iti nadakamat  a taripnong  maysa kadagiti napatalgedan iti pannakabilang (survey) dagiti pinuon ti mangga ken dagiti agpatpatanor itoy ti “clustering method” dagiti 33 a barangay  ti Cabugao  a nakadagupan  ti 7 a clusters.

Indarirag met ti DA-Cabugao ti pannakailista (masterlisting) dagitoy nga agpatpatan-ay ti mangga babaen kada Apo Zenaida Andrada ken ni Apo Ester Aguimbag para iti nasaysayud a pagimbagan ti gunglo.   #A (joe s. somera)

Ti pannakaiyawat ti cheque nga aggatad ti P200,000 manipud ti DA-LGU

No comments:

Post a Comment