Monday, April 2, 2012

MAUDI NGA ESKEDIUL TI NAGTURPOS, MARSO 31, 2012

Cabugao, Ilocos Sur – Naangay ti naggiddan nga eskediul ti panagturpos ti Grade 6 ken kindergarten ti Pug-os Elementary School ken Reppaac-Bato Elementary School a naangay iti School Stage dagiti nasao a pagadalan idi Marso 31, 2012.

Kinompirma, inakseptar ken naibunong dagiti sertipiko ti panaggraduarda babaen ken ni  Public Schools District Supervisor Helen V. Siruno  a binayabay ni  Mrs. Julia A. Cayso, Principal ti Cuantacla ES iti biang ti Pug-os ES babaen ken ni  Miss Mildred S. Naval, Head Teacher  ken Mr. Francis A. de la Cruz, Teacher in-Charge ti Reppa-ac-Bato ES.

Iti mensahe ti District Supervisor, kinaritna dagiti nagturpos nga agadalda. Daytoy ti tawid a di mapukaw. Indiligna idi panawenda a narigat ti mangpataud ti kasapulan ken adayo ti pagbasaan idi. Ngem ita, nanam-ayen dagiti ubbing ta addan luganda a mangitulod kadakuada iti eskuela.

Imbagian met ni SB Member Vicky S. Serna ti Gobierno Munisipal  nga idauluan ni Mayor Edgardo S. Cobangbang, Jr. ken Vice Mayor Danny Q. Gazmen iti Sangguniang Bayan ti agtultuloy a panangitedda kadagiti kasapulan pay kadagiti pageskuelaan tapno masupusopan dagiti pagkurangan a serbisio iti Sektor-Edukasion. Imbagian met ni Miss Maxene S. Cobangbang ni Mayor Ediboy a nangiyawat kadagiti sagut ken medalia nga inted ti Ama ti Ili kadagiti Honor ken Outstanding Graduates kadagiti nasao a pagadalan.

Nagpaay a Guest Honor and  Speakers dagiti bukodda a produkto kadagiti nadakamat a pageskuelaan kas ken ni FO1 Michael T. Talana,  Batch 1994 ti Pug-os ES ken Mr. Julius I. Laureta, Batch 1995  ti Reppa-ac-Bato ES.

Iti Pug-os ES, ipakaammo ti manarawidwid ti pageskuelaan ti maaramid a National Schools Maintenance Week & Brigada Eskwela inton Mayo 21-25, 2012 ken Hunio 1, 2012 ti  maudi nga aldaw ti  enrolment ken maangay ti Schools Readiness Assessment (SReA) for  incoming Grade 1. Mangrugi ti klase inton Hunio 4, 2012. # (Web In-Action)

Nagan ti Eskuela    Bilang ti Nagturpos      
Pug-os ES    27 ti  Grade 6  ken 27 met ti Kindergarten      
 Reppa-ac-Bato ES    21 ti Grade 6 ken 17 ti Kindergarten  
   

No comments:

Post a Comment