Friday, April 13, 2012

SESION TI 4 P’s KEN COMMUNITY HEALTH TEAM ITI BARANGAY PUG-0S

Cabugao, Ilocos Sur – Naaramid ti Family Development Session ti 4 P’s (Pamilyang Pantawid Pilipino Program) kadagiti 72 a kameng ti nasao a programa ti DSWD ken LGU Cabugao iti Barangay Pug-os, Cabugao, Ilocos Sur ita nga aldaw Abril 13, 2012 a no sadino a ditoy ket nagtitipon dagiti kameng ti 4’Ps ti nasao a barangay, pannakabagi ti RHU Cabugao, MSWDO, Barangay Officials, BNS, BHW ken pannakabagi ti DSWD Regional Office 1.

Immuna a nagsarita ni Ms. Annabelle C. Rosario, Municipal Link, 4 P’s, DSWD-F01, San Fernando City, La Union ket bininsana ti programa ti DSWD ken ti panangsurot dagiti naituyang nga annuroten tapno agballigi ti programa.

Nagsarita met ni Miss Aida Cueto, nangibagi ken ni Mrs. Lydia S. Gazmen, MSWD Officer  ti LGU-MSWDO ket inlawlawagna  met dagiti nainayon a nagdur-asan ken dadduma nga aramiden  ti grupo ti 4 P’s ti Barangay Pug-os. Kaaduan ti lectures ken panag-fill up ti pormas ti aktibidad dagiti miembros ken maisamira met ti medical assistance kadagiti agpaagas.

Imbagian met ni Mrs. Lydia Gazmen ti RHU Cabugao a kaduana da RN Heals Kristel Mae Baclig ken Neisel Ruth Sajonia ket timmulongda a nangiwanwan kadagiti miembros ken ti  akemda a mangipatungpal iti PANGKALUSUGAN PANGKALAHATAN PROGRAM- Community Health Team ti DOH  iti Barangay Pug-os. 

Segun ken ni Ms. Rosario, ti programa ti 4 P’s ti DSWD  ket katinnulongna ti LGU-Cabugao nga idauluan ni Mayor Edgardo S. Cobangbang, Jr. ken dagiti opisiales  ti barangay a masakupan ti programa, Land Bank of the Philippines (LBP), DOH, Population Commission  ken dadduma pay nga Ahensia ti Gobierno nga adda pakainaiganna kadagiti maited a programa ken serbisio para  kadagiti benepisiario. # (Web In-Action/JES)  

Buklen ti 4’Ps Barangay Pug-os ti tallo a grupo kasta met ti  Community Health  Team ti DOH a katinnulong ti programa:


4’Ps Parent Leaders      
1.Abigail Azcueta 
2.Arlene Vicente 
3.Pina Serna      
Community Health Team:      
Chairman- Brgy. Capt. Arnold Yangat, Vice Chairman- Lydia Gazmen, Committee on Health Chairman, Kagawad Ernesto Talania,  BNS-Jay R-Baclig; BHW-Lilia Casugay, Melvin Saribay      
RN Heals, Miss Kristal Mae Baclig, Neisel Ruth Sajonia   
 

No comments:

Post a Comment