JOB FAIR, INWAYAT TI LGU-CABUGAO KEN DOLE

Cabugao,  Ilocos Sur – Ita nga aldaw, Abril 23, 2012 ti naituding a pannakisinnarang dagiti agbirbirok ti panggedan kadagiti pannakabagi ti opisina (Employment Firms)  nga inimbitaran ti Department of Labor and Employment (DOLE) ken iti Gobierno Probinsial ti Ilocos Sur nga idauluan da Gov. Luis “Chavit” Singson ken Vice Gov. DV Savellano kasta met iti  Gobierno Munisipal nga idauluan ni Mayor Edgardo “Ediboy” S. Cobangbang, Jr.

 
Nasapa a dimteng  dagiti pannakabagi ti DOLE Vigan City nga idauluan ni Ms. Fresnaida Gundran, DOLE Provincial Officer a kaduana da Mrs. Charity Ubilas ken Mr. Eric Gaerlan a kinadua ti pannakabagi ti LGU-Cabugao, Mrs. Norma Z. Bertumen, Administrative Assistant II/PESO Manager ti Human Resources Management Office (HRMO).

 
Dagus a nagrehistro  a nagsasaruno dagiti 76 nga aplikante a naggapu iti nadumaduma a barangay ti Munisipalidad ken adda latta met agsangsangpet a kumamakam sa naipasa kadagiti maseknan a pannakabagi ti agawat ti trabaho nga opisina a naisibaran iti 9 a nagaabay  a  lamisaan ken tugaw  a pagyananda nga aginterbiu iti uneg ti Cabugao Cultural and Sports Complex, Brgy. Rizal, Cabugao, Ilocos Sur..

 
Imbatad ni DOLE Officer Gundran nga inisiatiba daytoy ti LGU tapno matulongan dagiti umili nga agsapsapul iti panggedanna nangruna dagiti agtawen ti 18-35  a maiyasideg kadagiti opisina ken kompania iti pribado a sektor.

 
Maysa a prospek nga oportunidad iti agdama kadagiti agtutubo  ti pannakaipatakder ti pasdek ken pagtagilakuan ken panaglukatto  ti 2 Brothers Grocery  iti asideg ti Merkado Publiko (NISTC) a nakaraman iti Job Fair.

 
Daytoy a proyekto ket tinawen nga ilunsad ti Gobierno Munisipal babaen iti pannakakikamayetna iti Gobierno Probinsial ken DOLE  tapno maaksionan   ti pakaseknan dagiti umili nga agbirbirok ti pagsapulanda a mangpasayaat pay  ti kasasaad ti panagbiagda. # (Web In-Action)  

Ms. Fresnaida Gundran, DOLE Provincial Officer a kaduana da Mrs. Charity Ubilas ken Mr. Eric Gaerlan a kinadua ti pannakabagi ti LGU-Cabugao, Mrs. Norma Z. Bertumen, Administrative Assistant II/PESO Manager ti Human Resources Management Office (HRMO).