Wednesday, April 4, 2012

KANDIDATA KEN AKTIBIDAD TI PIESTA TI MINITING TI ABC

Cabugao, Ilocos Sur – Naangay ti Regular Meeting ti Association of Barangay Captain and Councils  ti ili a Cabugao, Ilocos Sur  nga idauluan ni Rizal Brgy. Captain Thaddeus U. Soller iti SB-ABC Hall ita nga aldaw, Abril 4, 2012.

Dagiti natratar ken napagnanamingan:
. Maangay ti Last Canvassing inton Abril 16, 2012.
. Tunggal Kapitan ket mangisubmiter ti datos pakaseknan ti kangrunaan a produkto iti barangayna, listaan ti literate  ken illiterate a bumarangay   ta pagbasaran ti mailunsad a programa ti livelihood programs a pangtedan ti DOST, DTI ken DOLE iti tulong ti panagsanay ken kanaigna a kasapulan.
.  Napagkaykaysaan dagiti dadduma pay a napapateg a pakaammo a kanaig iti pagrebbengan ti Kapitanes ken obligasionda iti pannakipasetda iti Ragsak Cabugao Festival 2012.

Nagsarita ni Dr. Cesar Soller, DVM, Manager ken Dekano iti ISCC Demo-Farm Campus, Brgy. Labnig, San Juan, Ilocos Sur iti pananglukatda ti kurso iti maipapan iti Fisheries (ladderized) ken Seafarer Course  a maiturpos iti Marine Engineering ken Marine Transportation, kasta met iti Agriculture Course, Computer Course ken Health Care (Caregiver).

Daytoy ket kanayonan a programa iti Edukasion da Gov. Luis “Chavit”  Singson ken Vice Gov. DV Savellano a para kadagiti napanglaw ngem makabael nga agadal nga umili ti Ilocos Sur. Mangrugi ti interview para kadagiti agenrol iti daytoy a panagseserrek (2012-2013) inton Abril 16, 2012. Ni Professor Amado B. Naval, Chairman,   Screening Committee para iti Scholarship Program ti asitgan dagiti interesado nga agadal.

Kalpasan a napagnanamingan dagiti rebbbengna nga isagana ken akemen ti ABC para iti umasideg a panagpiesta ti ili, naserraan ti miting iti 11: 27 a.m. # (Web In-Action)

No comments:

Post a Comment