Cabugao, Ilocos Sur –Naangay ti Binibining Cabugao 2012 Pre-Pageant idi rabii ti Abril 14, 2012 (Sabado) iti Cabugao Cultural Park (CCP) a no sadino a ditoy ket inimatangan ti adu nga umili ken taga-media gapu iti kinaisangayan daytoy a pasamak a pannakaiparang dagiti agkakapintas a kandidata a nangipakita kadagiti talento ken kabaelanda.
Naiparang a saggaysa dagiti 12 a kandidata babaen ti production number-da a panagsala. Inyam-ammo dagiti kandidata ti bagbagida iti entablado.
Naiyam-ammo met dagiti kameng ti Board of Judges nga isuda: Dra. Kathleen Cobangbang-Castro, Ms. Zuen Morales, Ms. Merry Ann Dolores, Mr. Christian Villareal, Ms. Abigail Quero, Mr. Eugene Sunio ken Mr. Gerald Aragones.
Ni Miss Namkeen Hameed, dati a Beauty Queen iti napusgan a host ti Pre-pageant. Inlawlawag ni Ms. Hameed a napili dagiti 12 a kandidata babaen iti naiwayat a panagarisit (screening) ken kasta pay a mapilida manen para iti pagsasalipan a puesto a saan laeng a babaen ti kinapintas ngem mainayon pay ti personalidad ken galad a mangipaneknek ti kupkupikopanda a kinapintas.
Segun pay ken ni Ms. Hameed, ti criteria a pagbasaran dagiti Hurado kadagiti mangabak ket babaen iti Talento, Swimsuit, ken Casual interview.
Naisaruno ti panangipakita dagiti kandidata ti talentoda iti entablado. Naudi ti preliminary round ti verbal challenge wenno question and answer portion.
Maangay ti koronasion dagiti agballigi a kandidata inton Abril 23, 2012. # (Web In-Action)
Dagiti kandidata ti Binibining Cabugao 2012:
Danica Sonido, Krisa Mae Ibarra, Rarea Sevilleja, Tracy Serna, Krizia Mae Valdez, Rhoan Solmerin, Janet Sevilleja, Sharon Cortez, Christa Jesusa Saniatan, Grace Anne Gorospe, Maricar de Jesus, ken Lory-ann Subia.
No comments:
Post a Comment