Tuesday, April 10, 2012

UMAD-ADU TI TRANSAKSION ITI DAYO

Cabugao, Ilocos  Sur – Naangay ti panag-dadayo idi Abril 7, 2012 (Sabado)  iti Dayo-Cabugao a no sadino a ditoy ket aktibo a nagpartisipar dagiti traders (aglako/aggatang ti ayup) ken koridor nga idauluan ni Mr. Marciano Raciles, Presidente, Cabugao Livestock Traders Association ken kakaduana nga opisiales.

Nakitaripnong met ni Mayor Edgardo “Ediboy” S. Cobangbang, Jr. ket nakisarsarita kadagiti opisiales ti Dayo-Cabugao pakaseknan iti kasasaad ti Dayo-Cabugao ken  panangpasayaatda pay iti operasion ken aktibidad  ti Dayo.

Naammuan babaen ti Presidente ti Asosasion  a tunggal Sabado ket agtitiponda nga opisiales ta  maireport ti pagdurdur-asan ti operasion ti pagtagilakuan ti animal ket naaramiden ti 64 a transaksion (ginnatang/linnako ti ayup) a nausar ti puonan ti pundo. Manamnama nga iti sumarsaruno a panagda-Dayo ket  umad-adu ti umay maki-Dayo ditoy Cabugao  partikular kadagiti mapmapan iti kaarruba a Dayo ta naregget ti aktibidad ti pannakalako dagiti maidayo nga animales ditoy.

Kas iti napalabas, nabun-as ken nalalapsat latta dagiti mai-Dayo nga ayup. Nakiragup iti panagsasarita  ken ni Mayor Ediboy da Mr. Marciano Raciles, Presidente, Mr. Rudy  Quileza, Tesorero, Mr. Elpidio Mejia, Sekretario ken dadduma pay nga opisiales ti asosasion iti dayta nga aldaw. # (Web In-Action)  

No comments:

Post a Comment